रोल्पा । भारतको चन्डीगढमा एकजना नेपालीको मृत्यु भएको छ।
रोल्पाको त्रिवेणी गाउँपालिका–५ जुगारका पिमलाल वलीको उपचारका क्रममा सोमबार राति मृत्यु भएको हो। रोजगारको सिलसिलामा पुगेका उनी खाना खाएर काममा फर्कनुअघि आराम गरेका वली एक्कासी बेहोस भएका थिए।
बिरामी भएपछि उनलाई चन्डीगढको पीजीआई अस्पतालमा पुर्याइएको थियो। त्यहाँ उनलाई सोमबार राति पौने ११ बजे चिकित्सकले मृत घोषणा गरेका उनका आफन्तले जनाएका छन्। भारतमा परिवारसहित बस्दै आएका थिए। उनी गुजरातको सुरत जिल्लास्थित हीरा कारखानामा काम गर्थे।