काठमाडाैं
शुक्रवार नेपाल आदिवासी जनजाति पत्रकार महासंघ (फोनिज) ले काठमाडौंमा
आयोजना गरेको फोनिज युके पत्रकारिता सम्मान तथा पुरस्कार वितरण समारोहमा
बोल्दै मन्त्री मोदीले पूर्वराजा ज्ञानेन्द्र शाहलाई आफ्नो ठिक ठाउँमा बस्न
चेतावनी दिनुभएको हो । उहाँले एक, दुई हजार मान्छे जम्मा हुँदैमा
पूर्वराजाले म नै राजा हुँ भन्ने सोचिरहेको भन्दै त्यस्तो नसोच्न चेतावनी
दिनुभयो ।
देशमा गणतन्त्र आइसकेको र जनताको छोराछोरी राष्ट्रपति बन्न पाउने
भन्दै उहाँले देश पश्चगमनतर्फ नफर्कने बताउनु भयो । मानव जातिका लागि
गणतन्त्र सबैभन्दा सुन्दर व्यवस्था भएको उहाँले बताउनु भयो ।
मन्त्री मोदीले पूर्वराजा शाहलाई आफूहरुले सम्मानपूर्वक नै ठिक ठाउँमा बस्न आग्रह
गरेको स्पष्ट पार्नुभयो । उहाँले आफूहरुले देशलाई ठिक दिशा दिइरहेको भन्दै
देशलाई खल्बल्याउनेहरुलाई खबरदारी गर्नुपर्ने बताउनु भयो ।
मन्त्री मोदीले सरकार प्रेस स्वतन्त्रताप्रति प्रतिवद्ध रहेको बताउनु भयो ।
उहाँले देशको राजनीतिक अवस्था परिवर्तनका निम्ति पत्रकारहरुको ठूलो योगदान
रहेको भन्दै प्रशंसा गर्नुभयो ।