रुपन्देही । जनमत पार्टीका राष्ट्रिय सचिव भोपेन्द्र प्रसाद यादवले जनप्रतिनिधीहरुलाई जनमुखी काम गर्न निर्देशन दिएका छन्।
सोमबार रुपन्देहीको भैरहवामा रहेको पार्टी कार्यालयमा एक कार्यक्रमको आयोजना गरी जिल्लामा रहेका जनमत पार्टीबाट निर्वाचित जनमत पार्टीका वडा अध्यक्ष , कार्यपालिका सदस्य तथा वडा सदस्यहरुलाई जनतामुखी काम गरी जनतालाई जनता राजको अनुभुती हुने गरी काम गर्न निर्देशन दिएका हुन् ।
Workplace
स्थानिय पालिकामा जनमत पार्टीबाट निर्वाचित जनप्रतिनिधीहरुको काम , कारवाही र गतिविधीका बारेमा चासो राख्दै सचिव यादवले नागरिकको जिवनस्तरमा सुधार हुने गरी काम गर्न समेत आग्रह गरे । तिनै तहको निर्वाचन सकिएको र आगामी दिनमा जनमत पार्टीका जनप्रतिनिधीहरुको भुमिकालाई थप प्रभावकारी बनाउने गरी योजनाहरु पार्टीले अगाडी बढाउने यादवले बताए ।
कार्यक्रममा जनप्रतिनिधीहरुले आफू निर्वाचित भएर आएपछि गरेका कामका बारेमा पार्टी सचिव यादवलाई जानकारी गराएका छन् ।उनीहरुले सुरुवाती चरणमा रहेकोले सुरु देखीनै आफूहरु निरन्तर जनता संग जोडिने गरी जनसहभागितमा काम गरेको बताएका छन् ।
कार्यक्रममा राष्ट्रिय सचिव यादवसंगै केन्द्रीय सदस्य रामकेश गुप्ता , लुम्बिनी प्रदेश ईन्चार्ज राजेन्द्र गुप्ता, जनमत पार्टीका नेता रामदेव यादव लगाएतको उपस्थिती रहेको थियो ।