बुटवल ।
रुपन्देहीको दक्षिणी क्षेत्र मर्चवारमा लुम्बिनी प्रदेशका शिक्षा , युवा तथा खेलकुद मन्त्री बसीउद्दीन खाँनै बलियो उम्मेद्वार देखिएका छन् । ०७४को निर्वाचनमा आफ्ना निकटतम प्रतिीस्प्रर्धीलाई ६ हजार ३ सय ४४ मतान्तरले हराउदै खाँ लुम्बिनी प्रदेश सांसद बनेका थिए । उनी लुम्बिनी प्रदेश सरकारको शिक्षा ,युवा तथा खेलकुद मन्त्री छन् ।
उनै खाँको नाम नेपाली काँग्रेसले रुपन्देही निर्वाचन क्षेत्र नम्बर ४(ख) को उम्मेदवारका लागि सर्वसम्मत सिफारिस गरेको छ । मर्चवार क्षेत्रमा खाँको पकड देखेको कारणले कांग्रेसले पुन सर्वसम्मत रुपमै खाँलाई नै उम्मेदवार बनाउने निश्कर्षमा पुगेको कांग्रेसका एक स्थानिय नेताले बताए ।
कांग्रेसले अगामी मंसिरमा हुने प्रदेश सभा सदस्यको निर्वाचनका लागि खाँको नाम सर्वसम्मत सिफारिस गरे संगै उनी उम्मेदवार बन्ने पक्का पक्की भएको छ ।
क्षेत्रीय समितिको बैठकले खाँको नाम सर्वसम्मतले जिल्ला कार्यसमितिमा सिफारिस गरेको काँग्रेस रुपन्देही-४ का क्षेत्रीय सभापति मुकेश यादवले जानकारी दिए । सर्वसम्मत नाम सिफारिस भएसँगै खाँले निर्वाचन केन्द्रित गतिविधि अघि बढाउने तयारी रहेको समेत यादवले बताए ।
मन्त्री खाँले प्रदेशमा सांसद रहँदा देखीनै मर्चवारको विकासका लागि पटक पटक संसदमा समेत आवाज उठाउदै आएका थिए ।
मन्त्री भएपछि खाँले विभिन्न सडक , विद्यालय , मन्दिर , मस्जिद , सामुदायिक भवन , सिंचाई लगाएतका क्षेत्रमा बजेट समेत पारेका छन् । मर्चवारमा फोरलेन सडक , प्राविधक शिक्षालय लगाएतका योजनाहरु पनि मन्त्री खाँकै पहल कदमीले आएको उनको सचिवलयले जनाएको छ ।
खाँले ०७४को निर्वाचनमा १२ हजार १ सय १३ मत प्राप्त गरेका थिए भने उनका निकटतम प्रतिप्रस्धी स्वतन्त्र रुपमा उम्मेदवारी दिएका विरेन्द्र कलवारले ५ हजार ७ सय ६९ मत पाएका थिए । खाँले ६ हजार ३ सय ४४ मतान्तरले विजय प्राप्त गरेका थिए ।
मंसिर ४ गते हुने निर्वाचनमा पनि खाँलाई टक्कर दिने नेता नभएको उनी निकट कार्यकर्ताहरुले बताएका छन् ।