रुपन्देही । नेपाल सांस्कृतिक महासंघको लुम्बिनी प्रदेश स्तरिय भेला तथा अन्तरक्रिया कार्यक्रम शनिवार बुटवलमा सम्पन्न भएको छ । भेलामा सहभागि लुम्बिनी प्रदेशको १२ वटै जिल्लाका सभापतिले कलाकर्मीहरुको सम्मान, सुरक्षा र पहिचानको सवालमा अभिभावका रुपमा रहेको नेपाली काँग्रेस गम्भिर नभएको गुनासो राखेका थिए । कार्यक्रममा सांस्कृतिक महासंघका केन्द्रिय सभापति तिर्थ बहादुर थापाले सांस्कृतिक कर्मीहरुको सम्मानका लागि महासंघको स्थापना गरिएको बताउनु भयो । कलाकर्मीहरुले केवल सम्मान, पेशाको सुरक्षा र पहिचानका लागि महासंघमा आवद्धता जनाउनु भएको हो । सांस्कृतिक कर्मीले मात्र देशमा परिवर्तन गर्न सक्छन भन्ने भावना नेपाली काँग्रेसले बुझन जरुरी रहेको उहाँको भनाइ थियो ।
सोही अवसरमा नेपाल सांस्कृतिक महासंघका महामन्त्री शिवसंकर रिजाल (जोगिन्दर)ले नेपाली काँग्रेसलाई कसरी वलियो बनाउन सकिन्छ भनेर सांस्कृतिक महासंघ लागि परेको बताउदै पार्टीलाई सबल र सक्षम वनाउनका लागि समयसमयमा कार्यक्रम समेत गर्ने गरेको बताउनु भयो । सांस्कृतिक महासंघको महत्वलाई पार्टीले सदुपयोग गर्न र यस पेशामा आवद्ध कलाकर्मीको संरक्षणका लागि टेवापुग्ने गरि प्राथमिकता दिन माग गर्नु भयो ।
कार्यक्रममा वोल्दै लुम्बिनी प्रदेशका सभापति डिल्लीनारायण पाण्डेले नेपाली काँग्रेस भित्र देखिएको गुटउपगुट सांस्कृतिक संघमा नदेखिएपनि त्यसको प्रभाव भने रहेको स्वीकार गर्नु भयो । उहाँले सांस्कृतिक संघलाई नेपाली काँग्रेस पार्टीले प्राथमिकतामा राख्न जरुरी रहेको छ भन्दै सांस्कृतिक संघको जुन महत्व छ सोही अनुसार पार्टीले स्थान नदिदा कलाकर्मीहरुको सम्मानमा कमी भएको औल्याउनु भयो ।
नेपाल सांस्कृतिक महासंघलाई स्थानिय तहसम्म पुराउन र हरेक स्थानिय तहमा समिति गठन गरि जिल्ला र प्रदेश समिति चयन गरि आगामी मंसिर सम्ममा केन्द्रिय समितिको अधिबेशन गर्ने गरि महासंघले अभियान शुरु गरिको छ । सोही अभियान अन्तर्गत लुम्बिनी प्रदेशको भेला भएको हो । भेलामा खिमानन्द भटृराई, प्रचण्ड जिसी , बाबुराम घिमिरे लगायतले महासंघलाई सशक्त बनाउने गरि कार्यक्रम ल्याउन जरुरी रहेको बताउनु भएको थिए । कार्यक्रम रुपन्देहिका अध्यक्ष राधेश्यामराज भण्डारीको स्वागत तथा केन्द्रिय सदस्य दिपु मगरको सञ्चालमा भएको थियो ।
