लियो क्लब अफ बुटवल सिद्धबाबाको आयोजनामा तेश्रो इन्टर लियो जिल्ला स्तरीय प्रेसिडेन्ट कप सम्पन्न भएको छ ।
फुटसल प्रतियोगितामा लियो क्लव अफ भलबारी युथले ट्राईब्रेकरमा २–१ को गोल अन्तरले लियो क्लव अफ रामनगरलाई हराउँदै विजयी भएको हो ।
तिलोत्तमा को मोनालिसा फुटसल एरिनामा भएको प्रतियोगितामा लियो रामनगरका माधव तिवारी उत्कृष्ट गोल रक्षक घोषित भएका छन् । त्यस्तै रामनगरकै असमान थापा क्षेत्रीलाई सर्वाधिक गोलकर्ताको पुरस्कार दिएको थियो । त्यस्तै, भलबारी युथ क्लबका मयंक जुगजाली उत्कृष्ट खेलाडी घोषित भएका छन् ।
प्रतियोगिताको समापन समारोहमा विजयी समूहलाई पुरस्कार वितरण गर्दै फर्स्ट भिडीजी पिएमाजे अफ लायन बलाराम भट्टराईले यस्ता प्रतियोगिताबाट जिल्ला स्तरको खेलाडीको प्रतिभा प्रस्फुटन गर्न सघाऊ हुने बताउनु भयो । पुरस्कार वितरण समारोहमा लियो जिल्ला परिषद् ३२५ पी नेपालका अध्यक्ष श्रद्धा कुँवरले ,उपाध्यक्ष प्रवीण पौडेल, सचिव सुमन पौडेल , कोषाध्यक्ष प्रवीण गौडेल , लियो क्लव अफ बुटवल सिद्धबाबा अध्यक्ष प्रनेश पौडेल एरिया चिफ सुनिल कुँवर , मानिस ढकाल तथा सम्पुर्ण जिल्ला पधाधिकारी लगयत सदस्यहरु को उपस्थिति थियो ।
प्रथम विजेताले ट्रफी, मेडल र प्रमाणपत्रसहित १२ हजारको चेक, उप-विजेताले ट्रफी, मेडल र प्रमाणपत्रसहित ८ हजारको चेक तथा अन्य विधाका विजेताहरूले ट्रफी, मेडलसहित प्रमाणपत्र प्राप्त गरेका छन्