मेलिनाको गीतमा प्रियंकाको नाच

दशैं नजिकिदैछ । दशैंको रमझममा गीत-संगीत त चाहिन्छ नै । त्यसैले त गायक/गायिकाहरु यस्तै रमझमका लागि गीत तयार गरिरहेका छन् । यसैको सिलसिला हो, ए कालु ।

यो डान्सिङ नम्बरमा अभिनेत्री प्रियंका कार्कीले कम्मर मर्काएकी छिन् । स्वर चाहि मेलिना राईको हो । अहिले सिनेमा र संगीतमा दुबै चल्तापूर्जा नाम हुन् । त्यसो त प्रियंका म्युजिक भिडियोसँगै फिल्ममा पनि समानन्तर जमिरहेकी छिन् । यही सातादेखि उनी अभिनित फिल्म पनि हलमा लाग्दैछ ।

यता फिल्मकै पाश्र्व गायनमा मेलिनाको उच्च माग छ । अतः यो गीतले भने मेलिना र प्रियंकालाई एकै थलोमा ल्याइपुर्‍याएको छ । गीतमा मेलिनालाई सरोज ओलीले साथ दिएका छन् ।

यो गीत चन्द्र घिमिरेको शब्द र बसन्त सापकोटाको संगीत रहेको छ । कविराज गहतराजले निर्देशन गरेको भिडियोको छायांङ्कन सुदिप बरालले गरेका हुन् भने सम्पादन टेकेन्द्र शाहको रहेको छ ।

Sources:https://www.onlinekhabar.com/2018/09/708200

 

Leave a Reply

Your email address will not be published. Required fields are marked *